Lo Trèsor Arpitan 3

Frâses

• S'entretegnont entre lœr de qui plles gent s'harbelye; Prèjont de lœrs garçons, de lœrs galyârdes felyes; Des mochiors, des pichèts, des fordàrs plles novéls; De lœrs guelyes de burro, et de bien d'ôtro avouéc... [valor : 10]
  ècritura d'origina : S'intretëgnon intre leur de qui pi dzen s'arbeille; Prèdzon de leur garçon, de leur gueillarde feille; Di motsaou, di pitset, di faouder pi nouvé; De leur geuille de beurro et de bien d'âtro avouë...
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Le s-ou et le dove comére - 1887
  nota : Elles s'entretiennent entre elles de qui s'habille mieux; Elles parlent de leur garçons, de leurs gaillardes filles; Des mouchoirs, des dentelles, des tabliers plus nouveaux; De leurs pain de beurre et de bien d'autres choses encore...
  ---
• D'ense vos sâdes qui que sont Les particiors de Chèrmegnon. Ora, a tuéts, grôs et petits, Nos vos desens: "Ben de pllèsir!" [valor : 10]
  ècritura d'origina : Déinchè vo chadè couéc quié chôun Lè Partéchiou dè Tsèrmégnôun. Ora, a tuéss, grou è pétéc, Nô vo déjéin: "Béin dè plijéc!"
  Règ·ion : Valês
  Grafia : GDÔ, Grafia d'un ôtor.
  Sôrsa : Rey Alfred - Alfrèdè dè Candi- Lè Partéchiou - Pachatéin - 1982
  nota : Ainsi vous savez qui sont Les partéchious de Chermignon. Maintenant à tous, grands et petits, Nous vous disons: "Bien du plaisir!"
  ---